أنا ماهقيت يسوي الوقت ماسواه*
وخان الزمان وعادة الوقت خواني

وياحي من هذي دياره وذا مرباه*
ذواري هبوب النود من فوقها باني

أنا يوم شفت البيت متهدم مبناه*
تذكرت زول كان في البيت سكاني

انادي عليه وساقي العين جاري ماه*
وأنا عارف إني لو تحريت ماجاني

ظلمني الزمان اللي جبرني على فرقاه*
صواديف بقعا شرها ماتعداني

صدوف الزمان وطول صبر لحقت أقصاه*
حدتني على مبدا الطويلة مسياني

انا قد بغيت اوقف الرجل عن مبداه*
ولكن شفت الموت مازيد خلاني

الا جيت عد قد نزل ماه وألاجاه*
تسابق دموعي واظهرت خافي احزاني

أنا كيف بدله واطمع ان خاطري ينساه*
وأنا كل مامريت مدهاله ابكاني

إلا جات به الاخبار وإلاحد طراه*
ماعاد اتسمع صوت من زيد حكاني

أعيش بخياله واتنادم مع ذكراه*
ويدوي بي الهاجوس في عالم ثاني

يغيم سماي إلا تواجهت أنا وياه*
وحتى الحكي ماعاد ينطق به لساني

قضى العمر كله عادني في رجا لا ماه*
وطال الرجاء والياس قام يتحداني

هو اللي تتوق النفس لمشاهدة وحكاه*
ولاجا بقلبي عنه سجه ونسياني